Իտալական «Նապոլիի» հարավկորեացի պաշտպան Կիմ Մին Ջեն կարիերան կշարունակի Մյունխենի «Բավարիայում», հաղորդում է լրագրող և ինսայդեր Ֆաբրիցիո Ռոմանոն:
26-ամյա ֆուտբոլիստն արդեն բուժզննում է անցել գերմանական ակումբի համար: Առաջիկայում սպասվում է պաշտոնական հայտարարություն:
Նախորդ մրցաշրջանում Կիմ Մին Ջեն բոլոր մրցաշարերում մասնակցել էր 45 հանդիպման, դարձել 2 գոլի և նույնքան գոլային փոխանցման հեղինակ: Transfermarkt-ը 60 միլիոն եվրո է գնահատում նրա տրանսֆերային արժեքը:
