Կիլիան Մբապեի կրտսեր եղբայրը՝ 16-ամյա Էթան Մբապեն, «Մեցի» դեմ Լիգա 1-ի 17-րդ տուրի խաղում (3-1) նորամուտն է նշել Ֆրանսիայի չեմպիոն ՊՍԺ-ի կազմում:
Կենտրոնական կիսապաշտպանը փոխարինման է մտել ավելացված ժամանակի առաջին րոպեին՝ խաղադաշտ դուրս գալով Մանուել Ուգարտեի փոխարեն:
25-ամյա Կիլիանն ու 16-ամյա Էթանը հանդիպման մնացած ժամանակահատվածը միասին անցկացրել են խաղադաշտում:
Հիշեցնենք, որ «Մեցի» դեմ խաղում ՊՍԺ-ն հաղթել էր Կիլիան Մբապեի դուբլի օգնությամբ:
Էթան Մբապեն ՊՍԺ-ի համակարգում է 2017 թվականից:
