Կիևի «Դինամոյի» մասնակցությամբ ընկերական հանդիպման ժամանակ տարօրինակ դեպք է գրանցվել. թիմի հավանական նորեկ Գիորգի Մեպարիշվիլին խաղադաշտ է դուրս եկել մեկ այլ խաղացողի անվանական մարզաշապիկով, հայտնում է iSport-ը:
Հավաքի 6-րդ ստուգողական խաղում ուկրաինական թիմը մրցել է Կոսովոյի «Լապիի» հետ: Հանդիպման 76-րդ րոպեին դաշտում հայտնվել է թիմի հավանական նորեկ Գիորգի Մեպարիշվիլին: Անհայտ պատճառով Մեպարիշվիլին խաղադաշտ է դուրս եկել Բոգդան Սլյուբիկի խաղաշապիկով:
Հետաքրքիրն այն է, որ Սլյուբիկը նույնպես փորձաշրջան էր անցել «Դինամոյի» կազմում, սակայն խաղի նախօրեին վերադարձել էր «Ռուխ»:
