Անգլիական «Մանչեսթեր Յունայթեդի» և Իսպանիայի հավաքականի նախկին կիսապաշտպան Խուան Մատան կարիերան կշարունակի Ավստրալիայում:

36-ամյա ֆուտբոլիստը պայմանագիր է կնքել «Ուեսթերն Սիդնեյ Ուոնդերերսի» հետ, հայտնում է ակումբի մամուլի ծառայությունը:

Հիշեցնենք, որ իսպանացին ճապոնական «Վիսել Կոբեից» հեռացել էր ընթացիկ տարվա փետրվարին և մինչև օրս ակումբ չուներ:

Խուան Մատան կարիերայի ընթացքում հանդես է եկել նաև իսպանական «Վալենսիայում», Լոնդոնի «Չելսիում» և թուրքական «Գալաթասարայում»: Իսպանիայի հավաքականի հետ նա դարձել է աշխարհի ու Եվրոպայի չեմպիոն։