Հայաստանի հավաքականն Ազգերի լիգայի մրցաշարում անչափ կարևոր հաղթանակ տոնեց վրացիների նկատմամբ՝ խմբում առաջին տեղը գրավելու լուրջ հայտ ներկայացնելով: Դրա համար անհրաժեշտ կլինի մրցաշարի ավարտական խաղում հաղթել նաև Հյուսիսային Մակեդոնիայի ընտրանուն:
Հանդիպման ամենաուշագրավ իրադարձությունները ներկայացնում ենք 10 փաստի տեսքով:
1․ Հայաստանի հավաքականն Ազգերի լիգայի ընթացիկ խաղարկությունում 2-րդ հաղթանակը տոնեց՝ 8 միավորով բարձրանալով 2-րդ հորիզոնական: Ազգերի լիգայի նախորդ մրցաշարում մեր ֆուտբոլիստները 5 տուրից հետո վաստակել էին 9 միավոր և կրկին 2-րդ տեղում էին՝ 3 միավորով հետ մնալով աղյուսակը գլխավորող մակեդոնացիներից: Հիշեցնենք, որ 2018թ. սեպտեմբերին անցկացրած Ազգերի լիգայի մրցաշարի մեկնարկային երկու խաղերում Վարդան Մինասյանի գլխավորությամբ ՀՀ հավաքականը սեփական հարկի տակ հաղթել էր Լիխտենշտեյնին (2-1), հյուրընկալվելիս պարտվել Հյուսիսային Մակեդոնիային (0-2):
«Օդային տարածքը վրացիների համար փակ էր». Հայ ֆուտբոլիստների գնահատականները Վրաստանի հետ խաղում
Հոկտեմբերին արդեն Արմեն Գյուլբուդաղյանցի գլխավորությամբ ՀՀ հավաքականը Երևանում նախ նվազագույն հաշվով զիջել էր Ջիբրալթարի ընտրանուն, ապա 3 օր անց 4-0 հաշվով ջախջախել էր մակեդոնացիներին: Իսկ նոյեմբերի 16-ին Ազգերի լիգայի մրցաշարի նախավերջին՝ 5-րդ տուրում ՀՀ հավաքականը հյուրընկալվելիս 6-2 հաշվով ջախջախել էր Ջիբրալթարի ընտրանուն: Այդ խաղում Յուրա Մովսիսյանը ֆուտբոլային պոկերի հեղինակ էր դարձել՝ յուրօրինակ ռեկորդ սահմանելով ՀՀ հավաքականում:
2․ Հայաստանի հավաքականն Ազգերի լիգայի մրցաշարերում 5-րդ հաղթանակը տոնեց: Մյուս հանդիպումներից 3-ն ավարտվել է ոչ-ոքի, 3-ում մեր ֆուտբոլիստները պարտվել են: ՀՀ հավաքականը խփել է 22 գոլ, սեփական դարպասը բաց է թողել 14 գնդակ: Ազգերի լիգայի մրցաշարերում Հայաստանի հավաքականի լավագույն ռմբարկուն 5 գնդակով Յուրա Մովսիսյանն է:
3․ Պաշտոնական մրցումներում ՀՀ հավաքականին առաջին անգամ հաջողվեց հաղթել Վրաստանի ընտրանուն: Մրցակիցների միջև պաշտոնական առաջին խաղը կայացել էր հոկտեմբերի 11-ին լեհական Տիխի քաղաքում և ավարտվել էր գոլառատ ոչ-ոքիով՝ 2-2: ՀՀ հավաքականը 2-րդ հաղթանակը տոնեց վրացիների նկատմամբ: Առաջինը գրանցվել էր 2004թ. փետրվարի 21-ին Կիպրոսում անցկացված մրցաշարում: Միխայ Ստոյկիցայի գլխավորությամբ մեր ֆուտբոլիստները Քարամյան եղբայրների խփած գոլերի շնորհիվ հաղթել էին 2-0 հաշվով:
4․ ՀՀ հավաքականը 2-րդ անգամ Թբիլիսիում մրցեց Վրաստանի հավաքականի հետ: 1997թ. մարտի 30-ին Թբիլիսիում անցկացված ընկերական հանդիպումը շատ անհաջող էր դասավորվել մեր հավաքականի համար, որը պարտվել էր գերխոշոր՝ 0-7 հաշվով:
Գևորգ Ղազարյանն ընդգրկվեց 100 գոլի սահմանագիծը հատած ռմբարկուների ցանկում
Թբիլիսիում կայացած հանդիպումը մրցակիցների 7-րդ դիմակայությունն էր: Առայժմ նվազագույն առավելությունը վրացիների կողմն է, որոնք տոնել են 3 հաղթանակ, 2 խաղ ավարտել են ոչ-ոքի, կրել են նույնքան պարտություն: Մեր ֆուտբոլիստները խփել են 8 գոլ, սեփական դարպասը բաց են թողել 14 գնդակ:
Հայաստանի հավաքականի վերջին նորությունները