«Էվերտոնի» կիսապաշտպան Խամես Ռոդրիգեսը կարծիք է հայտնել, որ «Բարսելոնան» լքած Լիոնել Մեսին պետք է տեղափոխվի «Յուվենտուս»։
«Մեսին պետք է տեղափոխվի «Յուվենտուս» ու խաղա Կրիշտիանու Ռոնալդուի հետ։ Շատ երկրպագուներ երազում են տեսնել՝ ինչպես են այս երկու ֆուտբոլիստները միասին հանդես գալիս մի թիմում։
Հարկ է խոստովանել, որ ֆուտբոլը շատ է փոխվել, և Մեսիի՝ «Բարսելոնայից» հեռանալը ևս մեկ անգամ փաստում է դա»,- Ռոդրիգեսի խոսքերն է հաղորդում Marca-ն։
Հիշեցնենք, որ ըստ մամուլում շրջանառվող լուրերի՝ Մեսիին ձեռք բերելու գլխավոր թեկնածուն ՊՍԺ-ն է։ Փարիզյան ակումբը Մեսիին կառաջարկի 2 տարվա պայմանագիր՝ ժամկետը ևս մեկ տարով երկարաձգելու հնարավորությամբ:
