Ֆրանսիական Մեցում ընթացող ATP-250 կարգի մրցաշարի քառորդ եզրափակիչ դուրս գալով՝ Ռուսաստանը ներկայացնող հայ թենիսիստ Կարեն Խաչանովն ընթացիկ մրցաշրջանում 10-րդ անգամ հասավ ATP մրցաշարի քառորդ եզրափակիչ:

27-ամյա Խաչանովն անձնական ռեկորդ է սահմանել մեկ մրցաշրջանում ATP մրցաշարերի քառորդ եզրափակիչ դուրս գալու քանակով:

Հիշեցնենք, որ Խաչանովը 2023 թվականին հաղթել էր Չժուհայում կայացած ATP-250 կարգի մրցաշարը՝ առաջին տիտղոսը նվաճելով վերջին 5 տարիներին: