Լևերկուզենի «Բայերի» գլխավոր մարզիչ Խաբի Ալոնսոն խոսել է Եվրոպա լիգայի եզրափակիչում իտալական «Ատալանտայից» կրած 0-3 հաշվով պարտության մասին։ Դա Գերմանիայի նորընծա չեմպիոնի միակ պարտությունն էր ավարտված մրցաշրջանում։
«Սա ֆուտբոլ է։ Պարտությունից հետո վերականգնվելը մեր աշխատանքի մի մասն է։ Սա առաջին պարտությունը չէր մեր թիմի համար և ոչ էլ վերջինը։ Սակայն ես վստահ եմ, որ պարտությունն ավելի ուժեղ մարզիչ կդարձնի ինձ, քան եթե թրեբլ ձևակերպեինք։
Նման խաղերը չեն մոռացվում, և դուք կարող եք այդ փորձն օգտագործել ապագայում։ Այս պահին դա ցավոտ է։ Շատ ցավալի պարտություն է, բայց այն կարող է թրեբլից ավելի օգտակար լինել ապագայի համար»,- իսպանացի մասնագետի խոսքը մեջբերում է CNN-ը։
Հիշեցնենք, որ մինչև «Ատալանտայի» դեմ եզրափակիչը «Բայերն» անպարտելի էր 51 խաղ անընդմեջ։
