Լոնդոնի «Չելսիի» դարպասապահ Կեպա Արիսաբալագան, որը վարձակալությամբ այս մրցաշրջանն անցկացնում է Մադրիդի «Ռեալի» կազմում, խոսել է իր ապագայից։
Իսպանացին չի ցանկանում վարձակալության ավարտից հետո հեռանալ «Արքայական ակումբից»․
«Իհարկե, ես ուզում եմ մնալ «Ռեալում»։ Ո՞վ չի ցանկանա մնալ այս ակումբում։ Ես շատ ուրախ եմ այստեղ»,-Արիսաբալագայի խոսքն է մեջբերում Ֆաբրիցիո Ռոմանոն։
Հիշեցնենք, որ մրցաշրջանի մեկնարկից առաջ «Ռեալի» հիմնական դարպասապահ Տիբո Կուրտուան ծնկի խաչաձև կապանների վնասվածք էր ստացել, ինչից հետո իսպանական ակումբը որոշել էր վարձակալել Կեպա Արիսաբալագային։
