ՀՖՖ պաշտոնական կայքը հայտնում է, որ կայացել է Հայաստանի ֆուտբոլի ֆեդերացիայի կարգապահական և էթիկայի կոմիտեի նիստը։
Օրակարգում են եղել մի շարք հարցեր, մասնավորապես, «Արարատ»-«Նոա» խաղին՝ «Նոա» թիմի ֆուտբոլիստ Միխայիլ Կովալենկոյի հեռացման մասին (մրցավարի հասցեին վիրավորական արտահայտություններ անելու համար)։ Որոշվել է Կովալենկոյին որակազրկել մինչև 31.08.2021-ը, իսկ «Նոա» ակումբի նկատմամբ նշանակել տուգանք 30000 դրամի չափով:
Երկրորդ հարցը վերաբերել է «Ալաշկերտին»․ «Արարատ-Արմենիայի» հետ խաղից հետո «Ալաշկերտի» մարզիչը ֆլեշ հարցազրույցին ներկայացել է առանց թարգմանչի, իսկ ֆուտբոլիստ ընդհանրապես չի ներկայացել ֆլեշ հարցազրույցի: Ինչպես նաև խաղը անցկացվել է ոչ ՀՖՖ-ի կողմից տրամադրված գնդակով: Արդյունքում՝ որոշվել է «Ալաշկերտ» ակումբին հայտարարել նկատողություն և նշանակել տուգանք 30000 ՀՀ դրամի չափով:
Հաջորդ հարցը վերաբերել է «Նորավանքի» և «Փյունիկի» միջև կայացած խաղին.
1.Խաղի 40-րդ րոպեին «Փյունիկը» կիրառել է նկարահանող անօդաչու թռչող սարք, որի օգտագործումը նախախաղային ժողովի ժամանակ չէր քննարկվել: Զգուշացնելուց հետո սարքը իջեցվել է:
2. Խաղադաշտում տեղադրված էին առաջնության գլխավոր հովանավորի վահանակները, բայց ոչ պատշաճ, քանի որ դրանք 2020-2021 մրցաշրջանի համար նախատեսված վահանակներն էին:
Որոշվել է «Նորավանք» և «Փյունիկ» ակումբներին հայտարարել նկատողություն։
