«Մանչեսթեր Յունայթեդի» հարձակվող Էդինսոն Կավանին պատմել է, որ ամռանն առաջարկներ է ստացել իտալական երկու գրանդից՝ «Յուվենտուսից» ու «Ինտերից», սակայն մերժել է այդ առաջարկները՝ իր նախկին ակումբ «Նապոլիի» նկատմամբ ունեցած հարգանքից ելնելով:
«Ես ամռանը մերժել եմ «Յուվենտուսի» ու «Ինտերի» առաջարկները: Հասկացա, որ չափազանց շատ եմ հարգում «Նապոլիին»: Ես երբեք չէի անի այդ քայլը, չէի ցավեցնի նեապոլցիներին: Միշտ շնորհակալ կլինեմ նրանցից՝ ինձ մեծ աջակցություն ցույց տալու համար: Երբ մտածում եմ «Նապոլիի» ու նրանց երկրպագուների մասին, ուրախանում եմ», – Կավանիի խոսքերն է փոխանցում AS-ը:
Ի տարբերություն Կավանիի՝ Գոնսալո Հիգուայինը կայացրեց այլ որոշում. 2016-ին արգենտինացին «Նապոլիից» տեղափոխվեց «Յուվենտուս»:
