Մադրիդի «Ռեալի» իսպանացի պաշտպան Դանի Կարվախալը չի բացառել, որ կարիերան կարող է շարունակել MLS-ի ակումբներից մեկում:
«Եթե ես որոշեմ հեռանալ «Ռեալից», ապա չեմ տեղափոխվի եվրոպական ակումբ: Դա նշանակում է, որ իմ ընտրության տարբերակները կսահմանափակվեն՝ ԱՄՆ, Սաուդյան Արաբիա կամ Կատար: Պետք է ընտրեմ այս տարբերակներից մեկը»,- Եվրոպայի նորընծա չեմպիոն Իսպանիայի հավաքականի 32-ամյա ֆուտբոլիստի խոսքը մեջբերում է The Athletic-ը:
Հիշեցնենք, որ Կարվախալն «Արքայական ակումբի» սան է: Նա «Ռեալի» հետ 4 անգամ հռչակվել է Իսպանիայի չեմպիոն, 2 անգամ նվաճել է երկրի գավաթը, 6 անգամ էլ դարձել է Չեմպիոնների լիգայի գավաթակիր:
