Իսպանական Լա լիգայի նախագահ Խավյեր Տեբասը վերահաստատել է, որ կառույցը դեմ է «Բարսելոնայի» ֆուտբոլիստ Դանի Օլմոյի ենթադրյալ անօրինական գրանցմանը, հաղորդում է Ֆաբրիցիո Ռոմանոն:
«Մենք դեմ ենք Դանի Օլմոյի գրանցմանը և ունենք ապացույցներ:
Կարծում ենք՝ Օլմոյի գրանցումը չեղարկելու հնարավորություն դեռ ունենք»,- ասել է Լա լիգայի նախագահը:
Հիշեցնենք, որ «Բարսելոնան», չնայած Լա լիգայի արգելքին, կարողացել էր մրցաշրջանի երկրորդ հատվածի համար հայտավորել Դանի Օլմոյին ու Պաու Վիկտորին: Կատալոնական ակումբին դա հաջողվել էր Իսպանիայի մարզական բարձրագույն խորհրդի (CSD) թույլտվությամբ:
AS-ը հաղորդել էր, որ այդ որոշումը ժամանակավոր է, իսկ վերջնական որոշում կկայացվի երեք ամսվա ընթացքում:
