Լոնդոնի «Չելսիի» ֆրանսիացի կիսապաշտպան Ն'Գոլո Կանտեի ազդրի վնասվածքը կրկնվել է, հայտնում է Lequipe-ը:
31-ամյա ֆուտբոլիստը ստիպված բաց կթողնի ևս մի քանի շաբաթ: Ֆրանսիայի հավաքականի խաղացողը կարող է բաց թողնել Կատարում կայանալիք աշխարհի առաջնությունը:
Կանտեն նախորդ անգամ խաղադաշտ է դուրս եկել օգոստոսի 14-ին՝ մասնակցելով «Տոտենհեմի» դեմ լոնդոնյան դերբիին (2-2):
Ֆրանսիայի հավաքականի գլխավոր մարզիչ Դիդյե Դեշամը նոյեմբերի 9-ին կներկայացնի աշխարհի գործող չեմպիոնի հայտացուցակը:
Հիշեցնենք, որ Կատար-2022-ը կմեկնարկի նոյեմբերի 20-ին և կավարտվի դեկտեմբերի 18-ին:
