Գյումրիի «Շիրակի» դեմ Fastex Հայաստանի Պրեմիեր լիգայի 7-րդ տուրի տնային խաղն «Արարատ-Արմենիայի» պաշտպան Կամո Հովհաննիսյանի համար 550-րդն էր մարզական կարիերայում (4-0):
31-ամյա Հովհաննիսյանը 550 խաղի սահմանագիծը հատած 7-րդ հայ ֆուտբոլիստն է, հայտնում է Fastex Պրեմիեր լիգայի մամուլի ծառայությունը:
Խաղերից 243-ը Հովհաննիսյանն անցկացրել է հայկական ակումբներում, 213-ը՝ արտերկրի թիմերում: Հայաստանի ազգային հավաքականի մարզաշապիկով պաշտպանը խաղադաշտ է դուրս եկել 84 անգամ, 10 խաղի էլ մասնակցել է երիտասարդական հավաքականի կազմում:
