Երևանի «Արարատը» պայմանագիր է ստորագրել կամերունցի հարձակվող Բերտրան Ժունիոր Մանիի հետ, հաղորդում է ակումբի մամուլի ծառայությունը:

26-ամյա ֆուտբոլիստը 2022/23 մրցաշրջանն անցկացրել Հարավային Աֆրիկայի ուժեղագույն դիվիզիոնի «Քեյփ Թաուն Սիթիում»: Դրանից առաջ Մանին խաղացել է կամերունյան «Կոլոմբո Սպորտ» և «Ֆորտունա դե Մֆոու» ակումբներում: 2021/22 մրցաշրջանում նա 20 գոլով ճանաչվել է Կամերունի առաջնության լավագույն ռմբարկու:

Մանին նաև երեք հանդիպում է անցկացրել Կամերունի ազգային հավաքականի կազմում: Հարձակվողն  «Արարատում» կխաղա 17 համարի մարզաշապիկով: