Մադրիդի «Ռեալի» կիսապաշտպան Էդուարդո Կամավինգայի խոսքով՝ ակումբի հանդերձարանում փայլուն մթնոլորտ է՝ չնայած մամուլում առկա տեղեկություններին, հայտնում է Mundo Deportivo-ն:
«Մամուլում շատ են խոսում, իսկ ես ամեն ինչ տեսնում եմ ներսից: Այժմ հանդերձարանն ավելի միասնական է, քան երբևէ: Մենք անելու ենք հնարավոր ամեն բան՝ հաղթելու և մարզչին օգնելու համար:
Նախորդ խաղերը լավ չավարտվեցին մեզ համար, բայց այս հաղթանակը կարևոր էր: Պետք է շարունակենք նույն կերպ»,- ասել է ֆրանսիացին:
