Իտալական «Միլանի» նախկին կիսապաշտպան Կական գնահատել է իտալական «Նապոլիի» վրացի վինգեր Խվիչա Կվարացխելիայի ելույթները:
«Կվարացխելիան շատ լավ ֆուտբոլիստ է: Նրա խաղը հաճելի անակնկալ է: Ցավալի է, որ նա ու Հոլանդը բաց կթողնեն աշխարհի առաջնությունը:
Մեծ երևակայությամբ օժտված ֆուտբոլիստները միշտ զարմացնում են: Նման ֆուտբոլիստները կայացնում են որոշումներ, որոնք մյուսն ի վիճակի չեն»,- բրազիլացու խոսքը մեջբերում է La Gazzetta dello Sport-ը:
21-ամյա Կվարացխելիան այս տարվա ամռանը Բաթումիի «Դինամոյից» է տեղափոխվել «Նապոլի»: Նեապոլյան ակումբի կազմում նա մասնակցել է Ա Սերիայի 17 խաղի, խփել 8 գոլ, կատարել 8 գոլային փոխանցում:
