Իտալիայի հավաքականի նախկին հարձակվող Ջուզեպե Ռոսին ընտրություն է կատարել Լիոնել Մեսիի ու Կրիշտիանու Ռոնալդուի միջև.
«Նրանք տարբեր առաջադրանքներ են կատարում դաշտում, ուստի նրանց համեմատելը շատ բարդ է։
Ռոնալդուն վինգերից վերածվեց մոլորակի լավագույն հարձակվողի, և այն ամենը, ինչը նրան անհանգստացնում է, գոլերն են։ Մեսին նույնպես գոլահար է, բայց շատ է համագործակցում թիմակիցների հետ, և ինձ շատ է դուր գալիս, որ նա հաճախ նահանջում է` գնդակ ստանալու։ Մեսին ավելի ինտելեկտուալ ֆուտբոլիստ է, և խաղի այդ մասը շատերը չեն նկատում։ Ով նկատում և հասկանում է, ավելի շատ է գնահատում նման խաղը։ Ահա, թե ինչու եմ նախընտրում դիտել Մեսիի խաղը։ Ամեն ինչ կախված է նախընտրությունից։ Իսպանիայում ինձ բախտ է վիճակվել խաղալ երկուսի դեմ էլ»,- մեջբերում է Goal.com-ը։
Ջուզեպե Ռոսին կարիերան ավարտել է 2023 թ. հուլիսին։ Նա առավել հայտնի է իսպանական «Վիլյառեալում», անգլիական «Մանչեսթեր Յունայթեդում» և Իտալիայի հավաքականում ելույթներով։
