Իտալահայ լեգենդար քիքբռնցքամարտիկ Ջորջիո Պետրոսյանը մայիսի 18-ին երկու տարվա ընդմիջումից հետո հերթական մենամարտը կանցկացնի՝ մրցելով իսպանացի Սերխիո Դոմինգեսի հետ: Կայացել է մարտիկների կշռման արարողությունն ու հայացքների մենամարտը:
«Պատրաստված, քաշս՝ 69 կգ: Կհանդիպենք վաղն Allianz Cloud-ում»,- գրել է 38-ամյա Պետրոսյանը՝ հայացքների մենամարտից հրապարակելով լուսանկարներ:
PetrosyanMania GOLD EDITION մրցաշարում կայանալիք WAKO Pro վարկածով քիքբոքսինգի աշխարհի չեմպիոնի տիտղոսի համար մենամարտը տեղի կունենա Իտալիայի Միլան քաղաքի Allianz Cloud-ում:
Ջորջիո Պետրոսյանը մինչև այժմ անցկացրել է 110 մենամարտ, տարել 105 հաղթանակ, պարտվել երեք դիմակայությունում և գրանցել երկու ոչ-ոքի:
