Սերբ թենիսիստ Նովակ Ջոկովիչը հերթական ռեկորդն է գրանցել:
37-ամյա մարզիկը, որն Australian Open-ում հաղթեց Ջեյմի Ֆարիին 6:1, 6:7, 6:3, 6:2 հաշվով, դարձավ «Մեծ սաղավարտի» մրցաշարերում ամենաշատ խաղի մասնակցած թենիսիստը՝ հանդիպումների թիվը հասցնելով 430-ի: Այսպես Ջոկովիչն առաջ անցավ իր սկզբունքային մրցակից Ռոջեր Ֆեդերերից:
Ջոկովիչը 10 անգամ դարձել է Australian Open-ի հաղթող: Նրա հաջորդ մրցակիցն այս մրցաշարում չեխ Տոմաշ Մաչակն է: