«Մեծ սաղավարտի» մրցաշարերի 24-ակի հաղթող Նովակ Ջոկովիչը հաստատել է, որ սկսել է բնակվել Հունաստանում և տուն է վարձել Գլիֆադա քաղաքում, գրում է SDNA-ն:
«Անկեղծ ասած՝ դա այն չէր, ինչ երկար ծրագրել եմ։ Նախորդ երկու տարիներին տարբեր բաներ էին տեղի ունենում, և մենք փոխում էինք որոշումները կյանքի վերաբերյալ։
Մենք ունենք երկու փոքր երեխա, փորձում ենք հարմարվել և նրանց համար գտնել լավագույն միջավայրը։ Մեզ համար առաջնահերթություն է, որ երեխաները մեծանան առավելագույնս բարենպաստ պայմաններում՝ իրենց հոգեբանական, ֆիզիկական և էմոցիոնալ առողջության համար։ Կարևոր է բնակվել միջավայրում, որտեղ ավելի շատ ժամանակ ունենք ընտանիքի և անձնական կյանքի համար։
Երկու ամիս է՝ ընտանիքով փորձում ենք բնակվել Հունաստանում, ամեն ինչ շատ դրական է։ Մենք զգում ենք, որ մեզ ընդունում են։ Մարդիկ շատ բարի են, առատաձեռն և բարյացակամ մեր նկատմամբ։ Մեր ընտանիքը ժամանակ ունի զբաղվելու այն բաներով, որոնք մեզ մտերմացնում են»,- պատմել է Ջոկովիչը:
