Աշխարհի երկրորդ ռակետ Նովակ Ջոկովիչը, US Open-ի քառորդ եզրափակիչում ամերիկացի Թեյլոր Ֆրիցին հաղթելով, դուրս եկավ մրցաշարի կիսաեզրափակիչ ու հերթական ռեկորդը գրանցեց:
Սերբ թենիսիստը մարզական կարիերայում 47-րդ անգամ դուրս եկավ «Մեծ սաղավարտի» մրցաշարի կիսաեզրափակիչ և այդ ցուցանիշով գերազանցեց շվեյցարացի Ռոջեր Ֆեդերերին:
ԱՄՆ-ի բաց առաջնության կիսաեզրափակիչում Նովակ Ջոկովիչը կխաղա 13-րդ անգամ:
Հիշեցնենք, որ Ջոկովիչը տղամարդկանց թենիսի մենախաղում ռեկորդակիր է նաև նվաճած «Մեծ սաղավարտների» քանակով՝ 23 տիտղոս:
