«Բոլոնիա» - «Միլան» Իտալիայի Ա սերիայի 9-րդ տուրի խաղը ջրհեղեղի հետևանքով հետաձգվել է, հայտնում է լիգայի մամուլի ծառայությունը:

Բոլոնիա քաղաքում այժմ աշխատանքներ են իրականացվում ջրհեղեղի հետևանքները վերացնելու ուղղությամբ:

Խաղը պետք է կայանար հոկտեմբերի 26-ին: Այժմ միայն հայտնի է, որ հանդիպումը տեղի կունենա 2025 թվականին:

Փոխչեմպիոն «Միլանը» 14 միավորով չորրորդն է, «Բոլոնիան»` 9 միավորով 12-րդը: