Ամերիկացի հայտնի բլոգեր Ջեյք Փոլը մեկնաբանել է UFC-ի երկու քաշային կարգերի նախկին չեմպիոն, իռլանդացի մարտիկ Քոնոր Մակգրեգորի դեմ մենամարտելու հնարավորությունը։
- Ի՞նչ կասեք Քոնոր Մաքգրեգորի դեմ մենամարտելու հնարավորության մասին: Հետաքրքրվա՞ծ եք։
- Այո, բայց նա դա երբեք չի մենամարտի, ցավոք սրտի։ Նա գիտի, թե ինչ է իրեն սպասվում։ Քոնորը չի կարող անձամբ որոշում կայացնել»,- DAZN-ի հաղորդմամբ` ասուլիսին ասել է 27-ամյա Փոլը` նկատի ունենալով Մաքգրեգորի պայմանագրային պարտավորությունները UFC-ի հետ:
Հիշեցնենք, որ Փոլը ժամեր առաջ ԱՄՆ-ի Տեխաս նահանգի Արլինգթոն քաղաքում տեղի ունեցած պրոֆեսիոնալ բռնցքամարտի երեկոյում մրցավարների միաձայն որոշմամբ հաղթել էր ծանր քաշային կարգի աշխարհի նախկին անվիճելի չեմպիոն, 58-ամյա Մայք Թայսոնին:
