«Չելսիի» վինգեր Ջեյդոն Սանչոն կարիերան կարող է շարունակել Թուրքիայում, հաղորդում է Goal.com-ը:
Անգլիացի ֆուտբոլիստի ծառայություններով լրջորեն հետաքրքրված է «Ֆեներբահչեի» գլխավոր մարզիչ Ժոզե Մոուրինյոն: Պորտուգալացի մասնագետը նպատակ ունի Սանչոյի օգնությամբ ուժեղացնել թիմի հարձակման գիծը:
Սանչոն վարձակալությամբ է հանդես գալիս «Չելսիում»: Ակումբի ու ֆուտբոլիստի միջև պայմանագրում կա կետ, որի ակտիվացմամբ՝ «Չելսին» կարող է ձեռք բերել նրա տրանսֆերային իրավունքը: Սակայն լոնդոնյան ակումբի գլխավոր մարզիչ Էնցո Մարեսկան չի ցանկանում Սանչոյին տեսնել իր թիմում:
