«Լիվերպուլի» կենտրոնական պաշտպան Ջեովանի Լեոնին ծանր վնասվածք է ստացել, հայտնում է Ֆաբրիցիո Ռոմանոն:
Ֆուտբոլիստը մերսիսայդյան ակումբում նորամուտը նշեց Անգլիայի Լիգայի գավաթի խաղարկության 1/16 եզրափակիչում: «Սաութհեմփթոնի» դեմ խաղի ընթացքում երիտասարդ պաշտպանը վնասվածք ստացավ: Բուժզննումը ցույց է տվել, որ Լեոնին կտրել է ծնկի խաչաձև կապանները և շարքից դուրս է մնացել մի քանի ամսով: Իտալացին կփորձի վերականգնվել մինչև ընթացիկ մրցաշրջանի ավարտը:
Լեոնին «Լիվերպուլ» էր տեղափոխվել ամառային տրանսֆերային պատուհանի ընթացքում «Պարմայից» 31 միլիոն եվրոյով:
