Կոլումբացի կիսապաշտպան Խամես Ռոդրիգեսը կարիերան կշարունակի Հունաստանի առաջնությունում։

Մադրիդի «Ռեալի» ու Մյունխենի «Բավարիայի» նախկին ֆուտբոլիստը պայմանագիր է կնքել «Օլիմպիակոսի» հետ, հայտնում է հունական ակումբի մամուլի ծառայությունը։

31-ամյա Խամեսի վերջին ակումբը կատարական «Ալ Ռայանն» էր։ Այսօր կողմերը երկուստեք համաձայնությամբ խզել են պայմանագիրը։

2021/22 մրցաշրջանում Խամեսը բոլոր մրցաշարերում մասնակցել է 14 խաղի, խփել 5 գոլ, կատարել 7 գոլային փոխանցում։