Հայաստանի հավաքականի առաջատար Շանթ Սարգսյանը (2665 վարկանիշ) հաջող է մեկնարկել Ուզբեկստանի մայրաքաղաք Տաշքենդում ընթացող IV President Cup միջազգային մրցաշարում։
Առաջին երեք մրցափուլերում 23-ամյա շախմատիստը մեկ հաղթանակ է տարել, գրանցել երկու ոչ-ոքի և 2 միավորով մրցաշարային աղյուսակի առաջատարն է։
Սարգսյանն առաջին տուրում սպիտակներով հաղթել է Աբդիմալիկ Աբդիսալիկովին (Ուբզեկստան, 2561), իսկ հաջորդ խաղափուլերում ոչ-ոքի է գրանցել Մուխիդին Մադամինովի (Ուզբեկստան, 2552) և Բարդիյա Բանեշվարի (Իրան, 2600) հետ։
Մրցաշարն անցկացվում է շրջանային մրցակարգով և կավարտվի դեկտեմբերի 12-ին։
