Երևանում շարունակվող տափօղակով հոկեյի աշխարհի IV դիվիզիոնի առաջնության երկրորդ տուրում Հայաստանի հավաքականը 2-2 հաշիվը գրանցեց Ուզբեկստանի հետ: Խաղը տեղափոխվեց լրացուցիչ ժամանակ, որտեղ գոլեր չեղան:

Վադիմ Գուսկովի գլխավորած Հայաստանի հավաքականը հետխաղյա բուլիտներով հաղթեց 2-0 հաշվով և այժմ 6 միավորով գլխավորում է մրցաշարային աղյուսակը:

Հիմնական ժամանակում Հայաստանի հավաքականից գոլ խփեցին Սերգեյ Խուդյակովը և Մաքսիմ Կուզնեցովը:

Հիշեցնենք, որ առաջին տուրում Հայաստանի հավաքականը 24-3 հաշվով հաղթել էր Մալայզիայի թիմին:

Մրցաշարի բոլոր հանդիպումները կայանում են Երևանի գեղասահքի և տափօղակով հոկեյի մանկապատանեկան մարզադպրոցում ու ցուցադրվում են «Ֆասթ Մեդիա»-ի հեռուստաալիքներով և Fast TV հավելվածում (iOS, Android)։