Իսպանացի հայտնի նախկին մրցավար Իտուրալդե Գոնսալեսը գնահատել է Մադրիդի «Աթլետիկոյի» հարձակվող Խուլիան Ալվարեսի 11-մետրանոցի դրվագը:
«VAR-ի սենյակում պատկերը մեծացնելու հնարավորություն կա: Ես չեմ հավատում դավադրությունների տեսությանը:
Այո՛, Ալվարեսը երկու անգամ հպվեց գնդակին, սակայն ճիշտ կլիներ, որ այլ կադրեր էլ ցույց տային»,- 58-ամյա Գոնսալեսի խոսքը մեջբերում է As-ը:
Խուլիան Ալվարեսը Մադրիդի «Ռեալի» դեմ խաղում՝ հետխաղյա 11-մետրանոցների ժամանակ, հարվածելիս երկու անգամ էր հպվել գնդակին, ինչի պատճառով մրցավար Շիմոն Մարցինյակը չէր արձանագրել գոլը:
