Լոնդոնի «Արսենալը» համաձայնության է

Իտալիայի հավաքականի պաշտպան Ռիկարդո Կալաֆիորին, ամենայն հավանականությամբ, կտեղափոխվի Լոնդոնի «Արսենալ», հայտնում է La Gazzetta Dello Sport-ը:

Անգլիական ակումբն արդեն համաձայնության է հասել «Բոլոնիայի» հետ: Գործարքի արժեքը կկազմի 53 միլիոն եվրո:

22-ամյա իտալացին կկնքի 5 տարվա պայմանագիր և տարեկան կվաստակի 3.5 միլիոն եվրո:

Ավելի վաղ հայտնի էր դարձել, որ «Բոլոնիան» ցանկանում է պահել իր առաջատարին, բայց նվազագույնը 40 միլիոն եվրոյի առաջարկ ստանալու դեպքում դեմ չի լինի բաժանվել նրանից:

Հիշեցնենք, որ Կալաֆիորին շվեյցարական «Բազելից» «Բոլոնիա» էր տեղափոխվել 2023-ին: Ա սերիայի ավարտված մրցաշրջանում պաշտպանը «Ռոսոբլուի» կազմում անցկացրել է 33 հանդիպում, դարձել է 2 գոլի և 5 ասիստի հեղինակ: Transfermarkt-ը 30 միլիոն եվրո է գնահատում իտալացու տրանսֆերային արժեքը։