Հոկտեմբերի 6-ից վաճառքի են հանվել Եվրոպայի երիտասարդական առաջնության ընտրական փուլի Իտալիա Մ21 - Հայաստան Մ21 խաղի տոմսերը, հաղորդում է Իտալիայի ֆուտբոլի ֆեդերացիան:

Տոմսերի նվազագույն արժեքը 5 եվրո է:

Ամենաթանկարժեք տեղերը կենտրոնական տրիբունայում են՝ 14 եվրո:

Արմեն Գյուլբուդաղյանցի ու Սիլվիո Բալդինիի գլխավորած թիմերի խաղը կկայանա հոկտեմբերի 14-ին Կրեմոնա քաղաքում, որտեղ տնային խաղերն է անցկացնում Ա Սերիայի «Կրեմոնեզե» ակումբը:

Մինչև Իտալիա մեկնելը Հայաստանի երիտասարդական հավաքականը հյուրընկալվելիս կմրցի Հյուսիսային Մակեդոնիայի Մ21 հավաքականի հետ: