Եվրո-2024-ի ընտրական մրցաշարում կայացան A, F և J խմբերի վերջին տուրի հանդիպումները:

A խմբում Իսպանիայի հավաքականը 3-1 հաշվով հաղթեց Վրաստանի թիմին: 55-րդ րոպեին հաղթական գոլ խփած Ֆերան Տորեսը պարզեց իր թիմակից Գավիի մարզաշապիկը. «Բարսելոնայի» կիսապաշտպանն առաջին կեսի միջնամասում ծնկի վնասվածքի պատճառով փոխարինվել էր (Marca-ի հաղորդմամբ՝ մտավախություն կա, որ Գավին պատռել է խաչաձև կապանները):

F խմբում Բելգիայի հավաքականը 5 անպատասխան գնդակ ուղարկեց ադրբեջանցիների դարպասը: Առաջին կեսում պոկեր ձևակերպեց «Ռոմայի» հարձակվող Ռոմելու Լուկակուն:

J խմբում կատարյալ արդյունք գրանցեց Պորտուգալիայի հավաքականը, որը տնային խաղում 2-0 հաշվով հաղթեց Իսլանդիայի թիմին:

A խմբից Եվրո-2024-ի ուղեգիր նվաճեցին Իսպանիայի ու Շոտլանդիայի հավաքականները, F խմբից՝ Բելգիայի ու Ավստրիայի թիմերը, իսկ J խմբից՝ Պորտուգալիայի ու Սլովակիայի հավաքականները:

Եվրո-2024-ի ընտրական մրցաշար, A խումբ, 10-րդ տուր

Իսպանիա - Վրաստան՝ 3-1 (տեսանյութ)

Ռոբին Լե Նորման, 4, Ֆերան Տորես, 55, Լուկա Լոչոշվիլի (ինքնագոլ), 72 - Խվիչա Կվարացխելիա, 10

Շոտլանդիա - Նորվեգիա՝ 3-3  (տեսանյութ)

Ջոն Մաքգին, 13, Լեո Օստիգարդ (ինքնագոլ), 33, Սթյուարտ Արմսթրոնգ, 59 - Արոն Դյոնում, 3, Յորգեն Լարսեն, 20, Մոհամեդ Էլյունուսի, 86

Եվրո-2024-ի ընտրական մրցաշար, F  խումբ, 10-րդ տուր

Բելգիա - Ադրբեջան՝ 5-0  (տեսանյութ)

Ռոմելու Լուկակու, 17, 26, 30, 37, Լեանդրո Տրոսար, 90

Հեռացում՝ Էդի Իսրաֆիլով (Ադրբեջան), 24

Շվեդիա - Էստոնիա՝ 2-0 (տեսանյութ)

Վիկտոր Կլայսոն, 22, Էմիլ Ֆորսբերգ, 55

Եվրո-2024-ի ընտրական մրցաշար, J  խումբ, 10-րդ տուր

Պորտուգալիա - Իսլանդիա՝ 2-0  (տեսանյութ)

Բրունու Ֆերնանդեշ, 38, Ռիկարդու Օրտա, 66

Բոսնիա և Հերցեգովինա - Սլովակիա՝ 1-2  (տեսանյութ)

Պատրիկ Գրոշովսկի (ինքնագոլ), 49 - Ռոբերտ Բոժենիկ, 52, Լյուբոմիր Սատկա, 71

Հեռացում՝ Ռենատո Գոյկովիչ (Բոսնիա և Հերցեգովինա), 63

Լիխտենշտայն - Լյուքսեմբուրգ՝ 0-1  (տեսանյութ)

Ժերսոն Ռոդրիգես, 69

Հեռացում՝ Դանել Սինանի (Լյուքսեմբուրգ), 5