Իսպանիայի Արքայական գավաթի խաղարկության կիսաեզրափակիչի առաջին խաղում «Օսասունան» ընդունեց Բիլբաոյի «Աթլետիկին» և հաղթեց 1-0 հաշվով:

Խաղի միակ գոլը 47-րդ րոպեին խփեց մարոկկացի կիսապաշտպան Աբդեսամեդ Էզալզուլին: Դիմակայության պատասխան խաղը տեղի կունենա ապրիլի 4-ին «Աթլետիկի» մարզադաշտում:

Հիշեցնենք, որ կիսաեզրափակիչի մյուս զույգը կազմել են Մադրիդի «Ռեալն» ու կատալոնական «Բարսելոնան», որոնք առաջին հանդիպումը կանցկացնեն մարտի 2-ին:

Իսպանիայի գավաթ, կիսաեզրափակիչ, առաջին հանդիպում

«Օսասունա» - «Աթլետիկ»՝ 1-0

Աբդեսամեդ Էզալզուլի, 47