Իսպանիայի գավաթի խաղարկության կիսաեզրափակիչի առաջին խաղում Մադրիդի «Ռեալը» հյուրընկալվելիս 1-0 հաշվով հաղթեց «Ռեալ Սոսյեդադին»։
«Արքայական ակումբին» հաղթանակ պարգևեց 18-ամյա բրազիլացի հարձակվող Էնդրիկը, որը դարպասի գրավմամբ աչքի ընկավ 19-րդ րոպեին։
Բասկյան թիմից հանդիպումը վնասվածքի պատճառով բաց թողեց Ռուսաստանի ազգային հավաքականում հանդես եկող հայ կիսապաշտպան Արսեն Զախարյանը։
Դիմակայության պատասխան հանդիպումը կկայանա ապրիլի 1-ին Մադրիդում։
Իսպանիայի գավաթ, կիսաեզրափակիչ, առաջին հանդիպում
«Ռեալ Սոսյեդադ» - «Ռեալ Մադրիդ»` 0-1
Էնդրիկ, 19
