Իսպանիայի ֆուտբոլի ֆեդերացիայի նոր նախագահ է ընտրվել Ռաֆայել Լուզանը։
Ֆեդերացիայի պաշտոնական կայքը հայտնում է, որ դեկտեմբերի 16-ին կայացած ընտրություններում 57-ամյա ֆունկցիոներն ստացել է Գլխավոր ասամբլեայի 138 անդամներից 90-ի ձայնը։ Նրա մրցակից Սալվադոր Գոմարի օգտին քվեարկել է 43 հոգի։
Լուզանն Իսպանիայի ֆուտբոլի ֆեդերացիան կղեկավարի մինչև 2028 թվականը։ Նա 2014 թվականից զբաղեցնում էր Իսպանիայի հյուսիս-արևմուտքում գտնվող Գալիսիայի ինքնավար համայնքի ֆուտբոլի ֆեդերացիայի նախագահի պաշտոնը։
