«Սևիլիայի» կիսապաշտպան Իսկոն անդրադարձել է Ազգերի լիգայի փլեյ-օֆֆ փուլի ուղեգիր նվաճած Իսպանիայի հավաքականի հաջողությանը:
«Իսպանիայի հավաքականի հայտնվելը Ազգերի լիգայի փլեյ-օֆֆ փուլում ֆանտաստիկ նվաճում է: Ես, իրոք, ուրախ եմ, շատ լավ թիմ է: Կցանկանայի կրկին հրավիրվել Իսպանիայի հավաքական, բայց տարված չեմ այդ մտքով: Պարզապես ցանկանում եմ լավ կատարել աշխատանքս:
Ինչ վերաբերում է տարիքին, ապա չգիտեմ՝ կարելի՞ է արդյոք ասել, որ ես բավականին ծեր եմ 30 տարեկանում բարձր մակարդակով խաղալու համար: Ֆուտբոլը էվոլյուցիա է ապրել, հիմա տարիքը պարզապես թիվ է: Լուկա Մոդրիչը ցույց է տալիս իր օրինակով»,- Իսկոյի խոսքը մեջբերում է Marca-ն:
Հիշեցնենք, որ 30-ամյա Իսկոն «Սևիլիա» է տեղափոխվել այս ամառ: Ավելի վաղ իսպանացի կիսապաշտպանը խաղացել է «Վալենսիայում», «Մալագայում» և Մադրիդի «Ռեալում»:
