Ասիական Չեմպիոնների լիգայում Սաուդյան Արաբիան ներկայացնող «Ալ Նասրը» արտագնա հանդիպում է անցկացնելու իրանական «Պերսեպոլիսի» հետ:
Երկուշաբթի սաուդյան թիմը ժամանել է Իրանի մայրաքաղաք Թեհրան:
Մի քանի տասնյակ երկրպագուներ հավաքվել են հյուրանոցի մոտ, հետո ներխուժել են ներս և վանկարկել պորտուգալացի հարձակվող Կրիշտիանու Ռոնալդուի անունը:
Ավելի ուշ «Պերսեպոլիսի» ներկայացուցիչները «Ոսկե գնդակի» հնգակի դափնեկրին պարսկական գորգ են նվիրել:
Հիշեցնենք, որ 38-ամյա Կրիշտիանուն «Ալ Նասրի» կազմում նախորդ 4 խաղում դարձել է 7 գոլի և 4 գոլային փոխանցման հեղինակ:
