Մադրիդի «Աթլետիկոյի» պաշտպան Մարիո Էրմոսոն կարող է կարիերան շարունակել Միլանի «Ինտերի» կազմում։
La Gazzetta dello Sport-ը գրում է, որ «Ներաձուրին» 28-ամյա իսպանացուն 4 տարվա պայմանագիր է առաջարկել։ Միլանյան ակումբը ֆուտբոլիստին պատրաստ է վճարել տարեկան 5 միլիոն եվրո աշխատավարձ։
«Ինտերը» Էրմոսոյին դիտարկում է որպես 36-ամյա կենտրոնական պաշտպան Ֆրանչեսկո Աչերբիի երկարատև փոխարինողի։ Իտալացին ռասիստական սկանդալի պատճառով կարող է հեռանալ ակումբից։
28-ամյա Էրմոսոյի և «Աթլետիկոյի» միջև գործող պայմանագիրն ավարտվում է այս տարվա հունիսի 30-ին։ Նա ակումբից հեռանալու է ազատ գործակալի կարգավիճակում։
