Իտալիայի նորընծա չեմպիոն Միլանի «Ինտերը» երկարաձգել է պայմանագիրն իտալացի կիսապաշտպան Նիկոլո Բարելայի հետ։

«Ներաձուրիի» պաշտոնական կայքը հայտնում է, որ նոր համաձայնագիրը նախատեսված է մինչև 2029 թ. հունիսի 30-ը։

Ըստ ինսյադեր Նիկոլո Սկիրայի` կբարելավվի նաև 27-ամյա ֆուտբոլիստի աշխատավարձը, և նա կվաստակի տարեկան 4 միլիոն եվրո։

Իտալացի ֆուտբոլիստը միլանյան ակումբում հանդես է գալիս 2019 թ. հուլիսից և 235 խաղում խփել է 22 գոլ, կատարել 51 ասիստ։