Ամերիկյան «Ինտեր Մայամին» նոր մրցաշրջանի նախապատրաստական փուլի ընթացքում կմասնակցի Սաուդյան Արաբիայի մայրաքաղաք Էր-Ռիադում կայանալիք Season Cup ընկերական մրցաշարին, հաղորդում է ակումբի մամուլի ծառայությունը։

Հունվարի 29-ին ամերիկյան ակումբը կմրցի Սաուդյան Արաբիայի առաջնության առաջատար «Ալ Հիլալի» հետ, իսկ փետրվարի 1-ին ուժերը կչափի «Ալ Նասրի» դեմ։

Սպասվում է, որ «Ինտեր Մայամիի» արգենտինացի հարձակվող Լիոնել Մեսին ու «Ալ Նասրի» պորտուգալացի ռմբարկու Կրիշտիանու Ռոնալդուն դարձյալ իրար դեմ խաղադաշտ դուրս կգան կարիերայում։