«Ինտեր Մայամին» MLS-ի կանոնավոր առաջնության 12-րդ տուրում հյուրընկալվելիս 3-2 հաշվով կամային հաղթանակի է հասել «Մոնրեալի» նկատմամբ:

Խերարդո Մարտինոյի գլխավորած թիմը մինչև 44-րդ րոպեն պարտվելիս է եղել 0-2 հաշվով: Մայամիի թիմի գոլերից մեկը խփել է ուրուգվայցի հարձակվող Լուիս Սուարեսը:

«Ինտերի» կազմում ամբողջ խաղին մասնակցել է «Ոսկե գնդակի» 8-ակի դափնեկիր, արգենտինացի հարձակվող Լիոնել Մեսին, որը գոլի կամ ասիստի հեղինակ չի դարձել:

«Ինտերը» 13 խաղից հետո 27 միավորով առաջատարն է, «Մոնրեալը»՝ 11 հանդիպումից հետո 12 միավորով 21-րդը:

MLS-ի կանոնավոր առաջնություն, 12-րդ տուր

«Մոնրեալ» - «Ինտեր Մայամի»՝ 2-3

Բրայս Դուկե, 22, Ջուլես-Էնթոնի Վիլսեինթ, 32 - Մատիաս Ռոխաս, 44, Լուիս Սուարես, 45+3, Բենյամին Կրեմասչի, 59