MLS-ի կանոնավոր առաջնության հերթական տուրում «Ինտեր Մայամին» 0-1 հաշվով պարտվել է «Ցինցինատիին»: Ֆլորիդացիների առաջատար Լիոնել Մեսին վնասվածքից ապաքինվելուց հետո վերադարձել է խաղադաշտ և փոխարինման մտել 55-րդ րոպեին:
36-ամյա արգենտինացի հարձակվողը մասնակցել է «Ինտեր Մայամիի» նախորդ 8 խաղից 2-ին: Առանց արգենտինացու Խերարդո Մարտինոյի գլխավորած թիմը հաղթանակ չի տարել և զրկվել փլեյ-օֆֆ դուրս գալու շանսից:
Խաղին մասնակցել է նաև իսպանացի կիսապաշտպան Սերխիո Բուսկետսը, իսկ Ժորդի Ալբան բացակայել է վնասվածքի պատճառով:
Այժմ ամերիկյան թիմը 33 միավորով Արևելյան կոնֆերենցիայի 14-րդ տեղում է:
