Ճապոնական «Վիսել Կոբեի» կիսապաշտպան Անդրես Ինիեստան նշել է իր վարկածով Կատարում կայանալիք աշխարհի առաջնության ֆավորիտներին:
«Արգենտինան աշխարհի առաջնության հաղթողի գլխավոր հավակնորդներից է: Նրանք հրաշալի թիմ ունեն, որտեղ խաղում են ինչպես փորձառու, այնպես էլ երիտասարդ խաղացողներ: Լեո Մեսիի համար սա կարևոր պահ է:
Մյուս հավաքականներից կնշեմ Բրազիլիային, Իսպանիային, Ֆրանսիային: Եթե Լեոն հաղթի աշխարհի առաջնությունը՝ ուրախ կլինեմ նրա համար»,- կատալոնական «Բարսելոնայի» և Իսպանիայի ազգային հավաքականի նախկին կիսապաշտպանի խոսքը մեջբերում է TyC Sports-ը:
Հիշեցնենք, որ ԱԱ-2022-ը կմեկնարկի նոյեմբերի 20-ին: Եզրափակիչը կկայանա դեկտեմբերի 18-ին:
