«Ինտերի» գլխավոր մարզիչ Սիմոնե Ինձագին մեկնաբանել է Իտալիայի գավաթի կիսաեզրափակիչում «Միլանի» դեմ առաջին խաղը (1:1), գրում է Football Italia-ն:
«Բաց թողած գոլից հետո մենք շատ պահեր ունեցանք: Մխիթարյանի ու Զալևսկիի հարվածներից հետո Մենյանը հիանալի սեյվեր կատարեց:
48 ժամից մեկնելու ենք Պարմա, այդ պատճառով չէինք կարող ռոտացիա չկիրառել և ռիսկի ենթարկել մեր ֆուտբոլիստների առողջությունը: Գիտեինք, որ սա առաջին խաղն է: Հույս ունենք՝ երեք շաբաթից կազմի ավելի շատ տարբերակներ կունենանք»,- ասել է իտալացին:
