Մադրիդի «Ռեալի» ֆրանսիացի հարձակվող Կիլիան Մբապեն կարծում է, որ 2024 թվականի «Ոսկե գնդակը» պետք է բաժին հասներ ակումբում իր թիմակից Վինիսիուս Ժունիորին, հաղորդում է Le Parisien-ը:
««Ոսկե գնդա՞կը», ո՞րն է «Ոսկե գնդակի» ֆուտբոլիստը: Ռոդրին, արդյոք նա ձեզ համար «Ոսկե գնդակի» ֆուտբոլի՞ստ է: Կարծում էի՝ «Ոսկե գնդակը» կստանար Վինիսիուսը, բայց արդյունքում բաժին հասավ Ռոդրիին:
Եթե ես սա ձեզ ասեի դրանից 3 ամիս առաջ, կասեիք՝ գրողը տանի, ի՞նչ ես խոսում:
Այսօր մենք չգիտենք, թե «Ոսկե գնդակին» ով կարժանանա, բացի նրանից, որ ոչ մեկին չի կարելի բացառել, գուցե նույնիսկ դարպասապահ ստանա մրցանակը»,- ասել է 26-ամյա հարձակվողը:
Ըստ բրիտանական Goal-ի՝ «Ոսկե գնդակը» հաղթելու ամենահավանական թեկնածուն այս պահին «Բարսելոնայի» բրազիլացի ֆուտբոլիստ Ռաֆինյան է: Կիլիան Մբապեն վարկանիշում երկրորդն է, եռյակը եզրափակում է Լամին Յամալը:
