Կանանց թենիսի 10-րդ համար, ղազախ Ելենա Ռիբակինան նվաճեց Ինդիան-Ուելսում ընթացող «Մասթերսի» կանանց մենախաղի եզրափակիչի ուղեգիր:
Կիսաեզրափակիչում Ելենան 6-2, 6-2 հաշվով հաղթեց աշխարհի առաջին ռակետ, լեհ Իգա Սվյոնտեկին: Մրցախաղը տևեց 1 ժամ 17 րոպե:
Եզրափակիչում Ռիբակինան ուժերը կչափի Բելառուսի ներկայացուցիչ Արինա Սոբոլենկոյի հետ (երկրորդ ռակետ):
Ինդիան-Ուելսի «Մասթերսի» կանանց մրցաշարի մրցանակային հիմնադրամը 8,8 միլիոն եվրո է: Մրցաշարի գործող հաղթողը Իգա Սվյոնտեկն է, որը նախորդ տարվա եզրափակիչում առավելության էր հասել հույն Մարիա Սակարայի հետ պայքարում:
