«Ռեալի» կիսապաշտպան Ֆեդերիկո Վալվերդեի և թիմի գլխավոր մարզիչ Չաբի Ալոնսոյի միջև հարաբերությունները լարված են, գրում է Marca-ն:
«Կայրաթի» դեմ Չեմպիոնների լիգայի Լիգայի փուլի խաղում ուրուգվայցին մնացել է պահեստայինների նստարանին, քանի որ վնասվածք ունեցող Դանի Կարվախալին և Տրենտ Ալեքսանդր-Առնոլդին փոխարինելու համար հրաժարվել է պաշտպանության աջ եզրում խաղալուց: «Ինձ հաճախ են ասում, որ ես չեմ ծնվել եզրային պաշտպան լինելու համար: Անկեղծ ասած՝ ինձ հարմարավետ չեմ զգում այդ դիրքում խաղալիս»,- խաղից առաջ ասել էր Վալվերդեն:
Վալվերդեն ղազախական թիմի դեմ խաղում ամենաուշն է միացել թիմակիցների նախավարժանքին:
