Ֆուտբոլի Սաուդյան Արաբիայի հավաքականի մամուլի ծառայությունը տեսանյութ է պատրաստել արգենտինացիների դեմ Կատարում ընթացող աշխարհի առաջնության C խմբի առաջին տուրի հանդիպման (2-1) մասին:
Խաղից առաջ ու ընդմիջմանը Սաուդյան Արաբիայի հավաքականի ֆրանսիացի գլխավոր մարզիչ Էրվե Ռենարը հանդես է եկել տպավորիչ մոտիվացնող խոսքով։
«Երևի 20 տարի հետո դուք կհիշեք այս աշխարհի առաջնությունը: Փողոցում մարդիկ կկանգնեցնեն ձեզ և կասեն՝ «Ես հիշում եմ այդ խաղը: Հոյակապ էր»:
Չե՞ք զգում, որ կարող եք հաղթել, ո՞չ: Այո, նրանք ազատ են խաղում: Եկեք դա անենք տղաներ, սա աշխարհի առաջնությունն է»:
Ռենարը նաև ընդմիջմանը դիմել է խաղացողներից մեկին այն բանից հետո, երբ նա առաջին խաղակեսում ազատ տարածություններ է տվել արգենտինացիների ավագ և առաջատար Լիոնել Մեսիին:
«Դու դեռ հեռախոսդ հանիր և լուսանկարվիր նրա հետ»:
Հիշեցնենք, որ այդ խաղում արաբական թիմն առաջին խաղակեսից հետո պարտվում էին 0-1 հաշվով, սակայն ընդմիջումից հետո խփեց երկու գոլ ու սենսացիոն հաղթանակ տարավ չեմպիոնության գլխավոր հավակնորդներից մեկի նկատմամբ:
